نبارك لأمام زماننا الحجة ابن الحسن و لكم و لأمة محمد صلوات الله وسلامه عليه
ذكرى ميلاد منقذ الاسلام
الامام الحسين ابن علي ابن ابي طالب و ابن سيدة نساء العالمين فاطمة عليها السلام
أعادها الله عليكم بالخير والعافية و السلام و الامان
هليله بالافــــــراح همنه ينجلي
بميلاد ابو الاحرار صحنه ياعلي
للمصطفه المختار ......... خنقــــــــدم الازهار
بميلاد ابو الاحرار صحنه ياعلي
............
يحسين حُبّك بالكَلب يا مُهجة الـروح ... ياسيدي ياسيدي
شتاكينه ننضر كَبتك والفاكَِد ينــــوح ... ياسيدي ياسيدي
ملينه من بُعدك تره والدمع مسفــــوح ... ياسيدي ياسيدي
يمته نِزورك سيدي وانداوي الجروح .. ياسيدي ياسيدي
يا لهفة الولهــــــان .... يــالتروي للعطشان
حنينه لديارك يمن نورك جَلي
بميلاد ابو الاحرار صحنه ياعلي
.............
يا نسمه مرت علصدر مرالنسايـــم ... ياسيدي ياسيدي
يا نغمه لحّنهه بفخر ناي المكــــارم ... ياسيدي ياسيدي
يا ثوره قائدهه النبي وانته المُـقاوم ... ياسيدي ياسيدي
يا قلعه شيّدهه علي وانتـــه الدعايم ... ياسيدي ياسيدي
يا قائد الاسلام ....... يا فارسه المقدام
حكَي اهيم ابنخوتــــك يا مَنهلي
بميلاد ابو الاحرار صحنه ياعلي
.............
يا فرحه للزهره بدت من هـَــــل هِلالك .. ياسيدي ياسيدي
يا نفحه من روح القدس علدنيه مالت .. ياسيدي ياسيدي
يا صاعقه بسوح الوغه صالت وجالت .. ياسيدي ياسيدي
تنخينة بمّك فاطمه فركَتنــــــــــة طالت .. ياسيدي ياسيدي
صحنه وحك عيناچ ... حنينــــــــــه للشباچ
يالزهره حن كَلب المحب لرض الولي
بميلاد ابو الاحرار صحنـــــــه ياعلي
..............
ياسلوة الفاكَد أهل بالغربـه مَشمــــور .. ياسيدي ياسيدي
كَلب المحب لزيارتك يحسين مَجمـور .. ياسيدي ياسيدي
فدوه الضريحك سيدي ضحينه بنحور .. ياسيدي ياسيدي
نرجه الشفاعه بخدمتك يا منبع النور .. ياسيدي ياسيدي
يمك نريد اردود .. يم كبرك المشهود
يالتربتك جنة عدن يـــــا موئلي
بميلاد ابو الاحرار صحنه ياعلي
تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.
ليله امن العُمـــــر وحسين ضواهه
ليله امن العمر والفرحه مسموحـه .... وادموع الحــزن هلليله ممسوحه
علنور الي ضوه الدنية بجروحــــه .... بيهه ابحــــب ابو السجاد نتباهه
ليله امن العمر وحسين ضواهه
+++
ليله وبيهه نور وإلهه تانينـــــــــــه .... يا ريـــــــت ابشكلهه كل ليالينه
بشعبان المسره واجـــــب اعلينه .... وكل شيعــــي ابفرح للزهره هناهه
ليله امن العمر وحسين ضواهه
+++
ليله وللنبي بيهه الفرح ظـــــــاهر .... ولحـــــــيدر علي نجم السعد زاهر
بحسين وعلي السجاد ابــــــو الباقر .... وعبـــاس اليشعشع قمر حلاهه
ليله امن العمر وحسين ضواهه
+++
ليله وبيهه نسأل خالق الاكـــــوان .... يزيـــــح ام الجوانح ثابت الاحزان
من بيهه انذكر سبط النبي العدنـــان .... وابطال الطفوف التحيي طرواهه
ليله امن العمر وحسين ضواهه
+++
ليله بهالمكان اببهجه جمعتنـــــــــه .... بيهه للوصـــــــي اتجددت بيعتنه
من جينه الحسين انذيع فرحتنـــــه .... وابهـــــذا الحفـــــــل للجنه فتناهه
ليله امن العمر وحسين ضواهه
تحياتي و دعائي
و اسالكم الدعاء
عدد المساهمات
نقاط التميز
السٌّمعَة
تاريخ التسجيل
موضوع: ليلة من العُمر .. و حسين ضوّاهه 
الأحد يونيو 24, 2012 7:23 pm
