البنـآت , ومآدرآك مَ البنـأت !‎ منقول

البنـآت , ومآدرآك مَ البنـأت !‎



هدا الموضوع منقووووول

بسم الله الرحمن الرحيم
صباحكم انوثـه و ورد لا يضاهي طلتكم
يَ بنوتات
.
قبل مابدآ : اعذروني ع الخلفيـة
واعذروني ماعرف للمداخل
والمخارج
\
طبعآ :$
حبيت اتكلم معكم شويه
عن اشياء احنا نسويها او
شفنا بنات يسونها
يعني والله جد تصرفات اعترف لكم بعضها سويتها ندمت وان شاء
الله مارجع اسويها
والاخر لاحظتها في بعض البنات


( 1 )
اولا : قله الادب والاستهتآر
انتم بنآت بنآت = يعني الجنس
الناعـم
مفروض الكلام الفظيع والوسخ واللعن
( طبعا نعرف حكم اللعن مايحتاج
اكتبه )
الي تقولونه تبطلونـه
يعني وربي استحي انا لم امشي بالسوق واسمع
بنت
تقول لصديقتها او اختها : الله يـلع*** شوفي كيف هـي كلـ** !
انا خذت
فكره شينه عن هالبنت كيف اجل الولد ؟

( 2 )

اوكيه خلوآ
الكلام علي جنب نشوف الحركات والاستايل !
تجيك بنت لابسه جينز يكفي شخصين وتي
شيرت كاروهات وجيكت رسمي
والشعر بوي والكوتش رجالي والكبك
والشعر سبايكي ولا
كدش = يعني بوية
يعني بفهم شي واحـد ليه ؟
يعني عشان تلفتين النظر !
لاني مانتي واثقه ان شخصيتك كـ بنت مو
عاجبتك ؟
تقدرين تغيرينها مثل ماقدرتي تغيرين ستايلك وشكلك واسلوبك وشخصيتك <
يعني قدرتي تغيرين كل هذا ولا قدرتي تغيرين بس شخصيتك وانتي بنت !
ياجمميلتي
بقولك علي شي هذا يدل ان فيك نقص والي يلتفت لك او يسوي انك شي
هذا واحد من
اثنين
1- انها فيها نقص مثلك , مثل ماقالوا : ( الطيور علي اشكالها تقع )
!
2- تراني شخصيه ومتعرفه علي وحده بويه ومادري وشو , يعني عقليه متخلفه
!
+
ولا تجيكم بنت بويه ولم تسالينها ليش تقول لا حرام عليييك انا بس استايل
؟
ليـه ليـه انتي بنت جميلة وحلوه وناعمه تسوين كذا ليه ؟
بـ العكس ستايل
الفستان والشعر الطويل اجمل من البوي والجنز والتي شيرت


( 3 )
ولا
تجين تتفاهمين او تتناقشين مع بنت عن شي
فجـأ‘إة وبـ كل مقدمات
تجي تصارخ بوجهك وتنافخ
وش معناها : تراني قويه وشخصيه لاتحتكين
فيني
الله يهديك بس تعلموآ فن الحوار والكلام ياحلوآت

( 4 )
بـ سالكم
سوال : قد قكرتوآ تتركون النت شويه وتروحون
تساعدون امكم ؟
قد !
لمتي بسسس
!
حرآم امي تعبت فيني يوم انا في بطنها الـ الان
ليه مارد لها لو شي بسيط
اريحها اساعدها
اوسع صدرها لـو بـ كلمه او بـ ضحكة منك و ابتسامة
لان فضلها
علينآ كثير
مايحتآج اقولكم الرسول كيف وصى بـ الام
امك ثم امك ثم امك


( 5 )
وسالفه ثانيه بعد : سالفة النت لوق والفيس بوك والصور الي مالها
داعي !
مصوره رجلك مصوره يدك ؟
مصوره جسمك ؟
مصوره شعرك ؟

بقولكم
بنات سالفه وربي انا كنت بين الموجودين
كنت بمصعد فـي فستيفال في دبي
كانوآ
4 بنات قدامي لثمه وعبايات كتف طبعآ سعوديات
وجنبنا اماراتي ولبناني
طبعا
كلنا بالمصعد
الاماراتي قام يتحرش بالبنات الي قدامي والبنات مطنشينه المهم زاد
الاماراتي يتحرش
وحده من البنات عصبت وقالت استح ع وجهك
قال لها : ماشاء الله
عليكم يالسعوديات متفصخين بالنت وهنا متسترات !

وربي يابنآت تمنيت اكون
لبنانيه مصريه امريكيه اي شي بس مانحط بهالموقف ؟
صح هو ماتعرض لي ولا كلمني بس
يقصدني لانـي : سعوديه !
وربي بغيت الارض تبلعني من زود الفشيله
يعني
عييييييييب وربي عييييييب
لاتقولين محد بيعرفني ؟
اذا انتي قد الصور الي
تحطينها طلعي وجهك ؟
يعني منزلين صوركم ليييه ؟
عشان حفنه تعليقات ؟
بس
عشان مره حلوه انتي مره حلو جسمك
مره حلوه يدك ؟
وطبعآ انتم مصدقين كلامهم
؟
وربي لو تكونين اقبح وحده بالارض بيقولون لك انتي حلوه مره خقق انتي


ولا لم تجيني بنت تقول هآي بـ 5 دقايق
من زود التمطيط
يعني تراني انا دلوعه

شوفوآ حبايبي انتم !
اذا الدلع ماجاك طبيعي , خلاص احمدي ربك ع الي عندك
؟
وفيه اشياء تقدرين تسوينها تبين انك انثي بمعني الكلمه
خليك هاديه صوتك
لاترفعينه تكلمي بآ ادب خليك انسآنه ذوق بمعني الكلمه
خليك ناعمـه
وربي البنت
الناعمه مطلوبه اكثـر من الدلوعـه

( 7 )
والشي الي يرفع الضغط
البنت الي تجييييك خفيفــه
ريشششه من زود خفتهآ
اذا قلت لها لبسك مره حلو ,
شعرك حلو
خقت معـي ؟ من زود الخفه ولا بعد تصير تلحقني
وو تتميلح
بنآت
خلاص اثقلوآ , لاتصيرون خفيفات مره
من كلمه تدوخون ادري انا بنت مثلكم واعرف ان
البنت رهيفه وتحتاج كلمه حلوه
بس اثقلوآ
وربي الرجال مايحب البنت الخفيفه من
يشوفها كذا وتلحق وراه , يسحب عليهآ وربي
الرجال يحب البنت الثقيله الي هو يراكض
وراها مو هي ؟
ولا بعد في شي يقهرني ثاني
التميلح والترزز
لو عجبكم واحـد متزوج مطلق عمره خمسين مو مهم
اهم شي انه اعجبك
ولازم تجيبين راسسسه او اهم شي تسوين علاقه معه ؟
وين احنـأ فييه ؟
بنات خلاص
اعقلوآ وربي عيب عيب عيب
لمتي بس تفكيركم رجال رجال رجال
!
عارفه وربي عارفه انا بنت مثلكم , واحب لم اكون محور اهتمام رجل
بس مو
بهالطريقه !
لمتي تراكضون وراهم ؟
اتركوهم .. وربي كلكم اقويآء وكلكم تقدرون
تخلونهم بس انتي حاطه
في مخك لا انا ما اقدر علي بعـد عزوزي او حمودي
يا
عزيزتي دام انتي حاطه في بالك كذا صدقيني ماراح تقدرين
قولي في بالك انا اقدر
انا اقوي من كذا مو هذا ولد المنيب قايله يخليني اراكض وراه او يجرحني او يخليني
اخون ثقه اهلي عشانـه ردديها دايم وانتي تمشين وانتي بالسياره وانتي ...
الخ
وربي راح تقدرين تتركينه , وخذيها مني .. ~

( 8 )
وتعالوآ وش قصة
التدخين ؟
من جدكم صايرين تدخنون ؟
لا بعد تستمعتون فـيه ؟
مادري احنا ليه كذا .. نعرف تحريمه +
وش يسوي بالرئه وبصحتنا
ونعرف كيف ان المال الي نضيعه فيها
راح نسال فيه !
ونعرف ونعرف ونعرف ... الخ !
الي متي نعرف كل شي لكن نسوي
العكس ؟!
انا استغرب من كثير بنات يعرفون ان هالشي حرام او مايجوز
ويسوينه
؟
يعني ماتدرون عقابكم اشد من الكافر ؟
لان الكافر / مايدري بالحكم او
بتحريمه
عكسك تعرفينه وتعصين الله !
وزيآده ع كذا / يقرف هالدخان يسبب امراض
يخرب بشرتك شفايفك
جسمك وشعرك لكن ماقول الا
الخيآر لكم .. ~

(
9 )
طيب جينا للتبرج حلو حلو
الزبده هنـأ البلا كله هنـأ
هو
سوال واحد : متي بتلقون لكم وقت لكل هذا بس
ميك اب سوق , عبايه , عطر
وحوسه
يعني الفايده وشو ؟
تعصين ربك عيني عينك !
ولا
بس عشان نظرات اعجاب من كم زباله ؟
( سوري ع الكلمه بس مايعطيك وجه او يلتفت لك
الا الردى )
لو انه محترم ما التفت لك ؟
لو انه مافي باله تسليه او
حاجه منك ماعطاك وجه او التفت لك ؟
بنات اصحوآ شويه الي متي وربي !
علامات الساعه الصغرى اغلبها طلعت هذا اذا ماطلعت كلها
وانتي لحد
الحين كذا ؟
وش تنتظرون ؟
لم تشرق
الشمس من مغربها !!!!
ترا اكثر من يدخل النآر ( النساء ) !
انا بنت واعترف
احنا وربي سبب اغلب المشاكل
لو ماطلعنا مفاتنا كان مافي زنا مافي
عيال حرام
لو كفينا شرنا ولساننا كان قلت المشاكل بـ شكل ملحوظ

( 10
)
جينا عند ثقل الدم والظرافه وقله الادب والبجاحه ( الوقاحه )
ربي مارزقك بـ
خفه دم واسلوب مضحك ؟
ليه تستثقلين دمك ؟
عشان الناس يحبون يقعدون معك .. انتي حاطه ماشاء الله
عليك في
بالك الشخص مايصير محبوب ومرغوب الا
اذا صار خفيف دم ؟
من قال
اصلا ؟
او صديقتك بيحبونك اذا صرتٍ خفيفه دم !
معليش الشخص الي دايم يصادق او
يختار صديقه عشان خفه دمه
اعتبرها مو صداقه !
اعتبرها انا : ( تسليه او مضيعه
وقت )
اوك .. نخلي الصداقه ع جنب ونرجع لموضوعنا
يعني انتي حاطه في بالك
كذا
اوكيك .. انت راح تستظرفين عشان تجذبين الانظار بخفه دمك
ياحلوةة صدقيني
بـ كذآ , تخلينهم ينفرون منك !
لان مافيك هالموهبه مافيك هالشي .. وبتصيرين
ثقيله دم اكثر ماهو انتي عليه
مو قصدي اقولك انتي مو خفيفه دم
خفه الدم
موهبه نعمه مو كل شخص عنده
في اشياء ممكن تحل مكان خفة الدم
1- المرح
2-
الابتسامه والبشاشه
3- الضحك لـ نكت الاخرين حتي اذا كانت لم تضحككٍ
4-
اللباقه والاسلوب الحلو
خفة الدم وخلصنآ






جينآ عند الفششخره .. يابناتنا يحبون الفشخره والقيل والقال بـ شكل مو
طبيعي
ويايحبون يضيعون مبلغ طآئل عشان بس كلمتين يقولونها للعالم
ويايحبون
يضغطون ع نفسهم واهلهم وماديتهم عشان بس نظرتين اعجاب
وش الي حادكم ع هالشي
؟
وربي بنآت كثثثييير يهتمون بالمآركـه / والسفرات والطلعات
بس عشان تقول لم
صاحبتها : انا رحت لـ البلد الفلاني !
ولا تشتري شنطه ليس بها صلـه بالذوق
والجمال
عشان سعرهـأ .. مثل 4000 او 6000 اللاف
ولا بس عشان كلمه صغيرونه
مكتوب عليهآ
( ETRO / Moschino / D&G / Dior / Dkny )
وش هذآ
؟؟؟
اعترف لكم انا اشتري شنآط كذآ بس مو لدرجه توصل سعرهـأ 4000
حدي 3000وتحت
!
طبعا اذا كانت حالتي المادية كويسه
وطبعآ اكررفها لحد ما اقول امين .. لان
هذي 3000 اللاف مو لعبه
3000 تعشي ملايين النآس
يعني ما اقولكم لا تلبسون
البسوا واكشخوآ , واستمتعوآ
والبسوآ ماركات بس مو ع حسآب اهلك او تهزين ميزانيه
العائله
عشان شنطه او تي شيرت او شوز
الي ربي منعم عليها تشتري بس
ماتنسي نصيب الجمعيات والناس المحتاجين

( 12 )

قالوآ عن الصداقه
الكثثثير
الصديق هو من تستطيع محادثته في الرابعه صباحا ويكون مهتما
الصديق
هو الذي يأتيك دائما ًحتى عندما يتخلى الجميع عنك
الصديق هو الذي إذا نسيت الله
ذكرك وإذا ذكرت الله اعانك
الصديق هو الصديق الذي تكون معه .. كما تكون وحدك (
أي هو الإنسان الذي تعتبره بمثابة النفس )..
الصديق هو الذي يقبل عذرك ..
ويسامحك إذا أخطأت بحقه
الصديق هو الذي ينصحك إذا رأى منك عيبا ويشجعك إذا رأى
منك خيرا
الصديق هو .. الخ الخ
مافي احد ينكر قيمة الصداقـه
الصداقه
رآئعـه جدآ .. لكن حينما نجد الصديق الاروع
كلنا نقول ان احنا فينا وفاء وطيبة
قلب بس ليه صديقاتي يعاملوني كذآ
شوفـي تعاملك انتي
هذبي نفسسسك / كوني لهم
اختا قبل ماتكونين صديقه
وقفي معهم وقت الضيق !
لاتدققين ع زلاتهم .. خليك
دآيم اكبرٍ من كذآ
اذا سويتي كل هالاشياء , ولحد الحين تعامل اصدقائك ماتغير
!
اذآ اعرفي هالصديقات مايستاهلونك .. لاتقولين صديقاتي من الطفوله او علاقتي
مره معهم قويه
انا ماقلت اتركيهم بس خلي بينك وبينهم , حاجز عشان لاتنجرحين من
كلامهم او تعاملهم معك
وسالفة المصلحه الي طايحين فيها !
تراها مو موضه يوم
تطيحون فيهـأ ؟؟
اصادق وحده عشان , بس مصلحه !
وربي
.. لما تجيني بنت ما اعرفها وتطلب مني مصلحـه وربي بيكون
احتمالية ان اعطيها
مصلحتها 80 %
امـأ لو تجي وحده تصادقني وتجاملني عشان اعطيهـأ مصلحتها

احتماليه هالشي يجيها 25 %
تبين من بنت شي خليك صريحه وكلميها بهدوء

رفضت حاولي مره ثانيه معها رفضت اوكيه خلاص كيفهآ
بس مو اروح اصادقها واضيع
وقت ويمكن تعطيني هالمصلحه ولا لا ؟
بنآت وين الصداقه ؟
وين اداب تعاملك مع
اصدقائك ؟
ولا في هالزمن نفسي نفسي !!
( حب لاخيك ماتحب لنفسك ) !

(
13 )
تعاملك مع الاجانب !
لمااشوف بنت تكلم وحده اجنبيه بـ غرور
وقاحـه
يضيق صدري وربي ..
مابي ياخذون فكره شينه عن السعوديات
احنا نشوف
ان احنا فوق الكل
اوكيه خلي هذا في بالك وقلبك بس خلي اسلوبك غير الي في بالك
وقلبك
كلميهم بآ ادب وذوق
انتي تمثلين الاسلام
وتمثلين بلدك
واهم شي
تمثلين تربية اهلك
طبعآ مافي احد يرضي بس لو مجرد اني افكر تفكير انكم مو
متربيات !
تفكير محد يرضي كيف الكلام ؟
لاتقولون هم يستاهلون حقيرآت حـ**
كـ**
اوكيك غلطوآ .. قولي لها كلام بهدوء عيب الي تسوينه مع نظره
حازمـه
وعطيها ظهرك وروحي ~
بتصيرين كبيره بـ عينها
بتحس انها ولا شـــــي
!
بوجودك :$

( 14 )

الاعتمآد على الغيرٍ
سوآء كان امك اختك ام
الخادمه
عيب بنآت .. ترانآ كبآر
والله عييب لمتي تعتمدين ع اهلك ؟
بكره
لاتزوجتي وش بتسوين لاتقولين : لاااااا يبغاني يجيب لي خدامه !
طيب اذا حالته
الماديه ماتقدر
بتقولين لاا ؟
هذا سبب يخليك ترفضين النصيب !
شي مايدخل
المخ ؟
قال رسول الله صلى الله عليه وسلم اذا اتاكم من ترضون دينه وخلقه
فزوجوه )
الرسول صلي الله عليه وسلم ماقال الي مايقدر ع خدامه لاتزوجونه استغفر
الله بس !
خلونـأ نعتممد علي انفسنا
ليــــه , تضيعون نفسكم بـ
نفسكم
لاتقولون وش دخل الضياع ؟
الا الضياع بعينـه هذآ
بكره لافقدتي اختك
امك خدامتكم لا سمح الله وش تسوين ؟
والله تضيعين لاتعرفين تسوين اي شي !
ليه
نعرض انفسنا لـ هل الشي ؟
ماقلت لكم لازم هالاسبوع تتعلمون كل ششششي من طق طق
للـ سلام عليكم !
كل يوم تعلمي شي لو بسيط
اليوم تعلمي تسوين حلا خذي طريقته
من النت وجربيه
ماضبط معك المره الجايه
انا انسانه مايضبط معي الحلا بس اجرب
واجرب
ما افششل
سويه وسوي القهوه واقعدي مع ابوك وامك وسولفي عليهم
بهالعصريـه
والله مافي احلي منها , تغنيك عن النت وبلاويـه
اتركوآ النت شويه
لاهلكم حق عليكم
مره سوي لاهلك الغداء بدال امك المسكينه الي تدهر ليل
نهآر
عليكم , مره لو في حياتك ساعديها
سوى الغداء بـ طريقه مبتكره
ومرحـه
سوي في البيت تغيـر
خليك مرحـه , خلي لك حس بالبيت .. موو بس 24 ساعـه
ع النت او ع البيبي
او .. الخ اي شي يشغلك
خلي لك فقده لو تغيبين بس نص يوم
؟
ومصروفك لو يبقي منـه 10 او 15
شرايك تشترين فيه لو علك حلاو لـ اخوانك
الصغآر
رحتي لمحل وشفتي شي تحبه اختك شي يبيه اخوك
مو لازم يكون غالـي لـو
يكون سعره بـ ريالين
بس يكفي شعور اخوك او اختك لما تشوفك جايبه لها شي هي
تحتاجه او تبيه
صدقيني ماراح تقول ايه رخيص او غالي
بتشوف الامور من ناحية
انك فكرتي فيها حتي في السوق الي تنسي البنت العالم وتفكر بس في نفسهآ
لما
تطلعين تروحيـن لاستراحـه متجمعين فيها الاهل
او مزرعـه , سوي مسابقات اسئله مو
لازم تتكلفين في هالاشياء
لاتقولين الهدايا بـ تكون غاليه اسعارهـأ
مو لازم
يكفيهم بس انك غيرتي مودهم وونستيهم
جيبي كرتون غلفيه وخلي بس فتحه صغيره تسمع
بمرور اليـد عبيها
حلاو شوكلت شيبس
وخلي الاطفال يدخلون يدهم ويالله شوفي بس
تعابير وجههم
وربي تنسيك .. تعبك الي تعبتيه وانتي تشترين لهم اووانتي تغلفين
الكرتون او تعبك وانتي شايلته من غرفتـك للمزرعه
خلي الكبير والصغير يحبك ويفضلك
انتيٍ









بالنهايه اقول لكم .. لاتقولين مستحيل هالاشياء اقدر اعدلها فيني
او بتصير كلها
فيني
لاتاخذينها كلها ع الاقل خذيها نصها احسن من انك ماتاخذين من كلامي شي
!
احفظي الموضوع عندك بالمفضله كل اسبوع طبقي موضوع من المواضيع الي تكلمت
عنهـأ
لاتقولين انا مافيني شي
كل شي زين فيني
لاااا .. لازم تسوين بينك
وبين نفسك مصارحه
تعترفين لـ نفسك بـ كل شي لازم يتغير فيييك
وغيري نفسك بـ
نفسك
محد بيمسك ويقولك فيك وفيك وفيك الا الصديقه الحقيقه
ولـذآ
خليكم
اكبر من كل هالاشياء
امشي ع هالمنطق ( انا اكبر من كذآ )
دايم رددي
انا
اكبر من اني ارد ع ناس وقحين
انا اكبر من اني اكحل عيني واطلع بالمول
انا
اكبر من اني .. الخ


وانا اسفه الموضوع طويل بس تعبت وانا اكتبه
بس
كل شي لـ عيونكم يهون يا اجمل الجمميلات :$

وبس عطوني ارائكم وموافقكم
وتعلقاتكم

* ع فكرة توني اشوف موضوع يتكلم عن اشياء تطرقت لها
طبعا مو
كلها بعضها