صدق أو لاتصدق

:--:

صدق أو لاتصدق
قبل كم يوم أنا أفرفر في القوقل شفت معلومة غريبة تحت عنوان
صدق أو لاتصدق أنت حر المعلومة تقول
أن الفيل بعد مايموت يضل 3 إيام وهو واقف واللي يشوفه وهو
واقف يفكر أنه حي وهو ميت

قلت في نفسي وش الغرابة في السالفة ؟ يمكن ينتظر حبيبته
فيولة وهي ساحبه عليه وعلى والديه
صدق أو لا تصدق أنت حر

معليكم من الهياطه اللي فوق صدق أو لا تصدق أنت حر

خلونا نرجع الى العم بومحمد أذا تذكرون صاحب قصة
( بقرة فوق السطح)
يقول العم بومحمد الله يحفظه

أن ولده سعد خطب سارة بنت من بنات الحارة وأنتوا خابرين
البنت أو أهلها أذا مايبون الشخص يقولون له البنت تبي تكمل
دراستها في الجامعة عاد سعد قال لهم وهو على نياته خلاص
أنتظرها لما تخلص من الجامعة ياعيوني على الوفاء صدق أو لا تصدق أنت حر

صدق أو لا تصدق أنت حر

قاله أبوه العم بومحمد : ياولدي هذول مايبون يزوجونك بنتهم
ويقولون لك البنت تبي تكمل دراستها عشان يصرفونك

لكن سعد قال لا يابوي الجماعة أعتقد أنهم يبوني وشاريني
وأنا بصبر لما تخلص بنتهم سوير من الجامعة صدق أو لا تصدق أنت حر

ومضت الأيام وسعد يفرح أذا سمع أن سارة أنجحت
ويبشر أهله وكلما أنجحت يقول في نفسه يالله قرب موعد
زواجي من سويره صدق أو لا تصدق أنت حر
صدق أو لا تصدق أنت حر

وبعد ماتخرجت سارة من الجامعة
عزم سعد يروح يخطبها من أهلها لكن تفاجاء أنه شاف
كرت دعوة الزواج واصل الى بابهم يعني البنت راح
تتزوج من واحد غيره
يقول العم بومحمد ياعيني على ولدي سعد للحين ماتزوج جالس ينتظرها
وهي خلاص بتزوج أنسان غيره يعتقد في أمل خُرافي أن سوير ترجع له صدق أو لا تصدق أنت حر

ماقلت لكم سبب موت الفيل وهو واقف 3 أيام
أنه ينتظر فيوله مقصوفة الرقبة وهي حتى ما حلمت فيه